Georgie (manga)nthy.e T 9bez12Uu Jj 067e5KGg Eep VvKk md Rr ni. X
Articulu in nugoresu
Georgie! (ジョージィ! Jōjī!?) est unu manga chi at iscrittu e li at fattu sos disìnnos Yumiko Igarashi. Lu an fattu a sèrie dae su 1982 in sùsu in su papèri de Shōjo Comic manga.
Sa sèrie l'an acontzàda in su 1983, fachèndeche una sèrie anime, Lady Georgie (レディジョージィ Redi Jōjī?) de Tokyo Movie Shinsha, chi an fàttu bìere pro sa prima borta in TV Asahi e adduràbat 45 episòdios: galu nde fàchen bìere in sa televisione Animax.
Istòria[modìfica | modìfica su còdighe de orìgine]
Georgie vìvet in Australia, cando galu fit una colunia inglesa. A issa li dàen sa curpa pro sa morte de babbu suo: custu li cherìat bene, gai puru sos frades suos. Una cosa chi sa pitzìnna si nd'aìat abizzàda fit chi tottus tenìan pilos a color' 'e castanzu, ma issa fit brunda. A sa mama non li piachìat meda chi issa fit parte de sa famìlia. A sa fine ch'essit a pìzu chi Georgie non tenìat ligàmine perùnu de sambene chin sa familia, sènde adottàda: unu bratzalette indoràu fit s'unica ormìna chi tenìat de su passau suo. Si bènit a ischìre puru chi sos parentes suos fin inglesos. Sos frades de Georgie (Abel e Arthur) àndan a li fàcher bìsita tuccànde dae Londra. Ambosduos pàren istimàndela abberu, intendèndesi istranu ca issa est sorre issòro, peròe. Georgie est in pùnna de un'attera cosa puru: torràre a s'imbènner chin s'amore suo, Lowell, chi at lassàu s'Australia. Pàris chin sos frades suos, Georgie fàchet isperièntzia siat de sa zentilènsia siat de sa crudelèsa de sa vìda in Londra, in Inghilterra.
S'istoria b'àndat a innàntis chin sa chìrca de sa famìlia reale sua impàre a su triangulu de amore chi si isvilùpat tra su frade adottivu e Lowell.